Breaking News

ሱዳን ለወራት ለዲፕሎማቶቿ ደሞዝ አልከፈለችም

ሁኔታውን በአደባባይ ደፍረው የተናገሩት የቀድሞው የሱዳን የውጭ ጉዳይ ሚኒስትር ሞሀመድ ጋንዱር ናቸው

Sudanese President Omar al-Bashir attends talks of the Arab League summit in the Jordanian Dead Sea resort of Sweimeh, Jordan, Wednesday, March 29, 2017. Arab leaders are gathering for an annual summit where the long-stalled quest for Palestinian statehood is to take center stage. The summit is expected to endorse key Palestinian positions, signaling to President Donald Trump ahead of White House meetings with leaders of Egypt and Jordan that a deal on Palestinian statehood must precede any Israeli-Arab normalization. (AP Photo/ Raad Adayleh)

የዳቦ ዋጋ በሶስት እጥፍ በመጨመሩ ምክንያት ለሳምንታት በህዘባዊ አመፅ እየታመሰች ያለችው ሱዳን የደረሰባት ኢኮኖሚያዊ ቀውስ በውጭ ሀገራት የሚገኙት ዲፕሎማቶቿ ከሰባት ወራት በላይ  ያለ ደሞዝ እንዲቆዩ ግድ ሆኖባቸዋል፡፡

ሚድል ኢስት ሞኒተር እንደዘገበው በእስያ እና በአውሮፓ ያሉ የሱዳን አምባሳደሮች ከግማሽ ዓመት በላይ ደሞዛቸው ሳይከፈላቸው ቆይተዋል፡፡

በዚህም የተነሳ  የውጭ ጉዳይ ሚኒስትሩ ዳርዲሪ ሞሀመድ አህመድ ከፋይናንስ ሚኒስቴር እና ከሀገሪቱ ማዕከላዊ ባንክ ጋር የጋራ ኮሚቴ አቋቁመው ችግሩን ለመፍታት ደፋ ቀና እያሉ ይገኛሉ፡፡

እስካሁን ሁኔታውን በአደባባይ ደፍረው የተናገሩት የቀድሞው የሱዳን የውጭ ጉዳይ ሚኒስትር ሞሀመድ ጋንዱር ናቸው ተብሏል፡፡

ሀገሪቱ ያጋጠማት ችግር እንዲህ በቀላሉ ተነግሮ የሚያልቅ እንዳልሆነ የተናገሩት ጋንዱር በውጭ የሚኖሩ ዲፕሎማቶች ደሞዛቸው ብቻ ሳይሆን የህንፃ ኪራይ መክፈል እንዳቃታቸውም አልደበቁም፡፡

የቀድሞው የውጭ ጉዳይ ሚኒስትር እንደሚሉት ያለ ደሞዝ ለወራት የቆዩት ዲፕሎማቶች ወደ ሀገራችን የመመለስ ፍላጎት አላቸው፡፡

ሱዳን ከቅርብ ዓመታት ወዲህ የገጠማት የውጭ ምንዛሬ እጥረት ገንዘቧ ከዶላር ጋር ያለው ምጣኔ በእጅጉ እንዲወርድ አድርጎታል፡፡

በዚህም ምክንያት የዋጋ ግሽበት በማሻቀቡ ነዋሪዎቿ የዕለት ፍጆታቸውን መግዛት ቢያቅታቸው በመንግስት ላይ ለሳምንታት የዘለቀ ተቃውሟቸውን እያሰሙ ይገኛሉ፡፡

leave a reply